रणबीर सिंह दहिया की एक रागनी
नंगेपन और नशे पते का माफिया गामां ताहिं जा लिया ।।
ये नौजवान युवक युवती इनकी चिन्ता नै खा लिया ॥
1
दारू बिना कोए घर बच्या ना माणस चाहे बचरया हो
दारु का आदि माणस घरां पवाड़े घणे रचरया हो
घर तबाह करे दारू नै यो कैंसर घरो बुला लिया ॥
2
नौजवान युवक युवती फंसे कुबधियां के घेरे मैं
बखत तैं पहलम बूढ़े दीखैं ना तेज बची चेहरे मैं
सकारात्मक एजेंडा खोस कै कुबधियां मैं फंसा लिया ।।
3
रिश्वत दे दे मिलैं नौकरी दलाल नोट कमावैं सैं
फर्स्ट डिविजन अच्छे नम्बर सीनियर खड़े लखावैं सैं
खूनी होज्यां बरी कोर्ट मैं ईमानदार आज ढ़ा लिया ॥
4
नौजवान युवक युवती सैं साम्राज्यवाद के निशाने पै
अमरीका की बुरी नजर पड़ी म्हारे इस बे मोल खजाने पै
कहे रणबीर सिंह मनै थारे संग कलम ठा लिया ॥
